Hótel Leifur Eiríksson er í virðulegu húsi í gamla miðbænum. Það stendur við Skólavörðustíg sem er ein vinsælasta gata borgarinnar með miklum fjölda gallería og verslana. Beint á móti hótelinu er hin stórfenglega Hallgrímskirkja, þekktasta tákn Reykjavíkur.

Herbergin okkar eru fjörutíu og sjö talsins. Þau eru öll búin síma, útvarpi, gervihnattarsjónvarpi og baðherbergi með sturtu. Allan sólarhringinn er hægt að panta drykki og léttar veitingar og morgunverðarhlaðborð er innifalið í gistingu.

Hótelið og umhverfi þess taka þér fagnandi á öllum árstímum og óvíða er Reykjavík jafnhlýleg og lifandi og einmitt hér. Starfsfólk Hótels Leifs Eiríkssonar gjörþekkir Reykjavík. Hjá okkur færðu upplýsingarnar sem þú þarft til að dvöl þín verði ógleymanleg.

Hótelið okkar er fjölskyldurekið og ekki hluti af hótelkeðju. Við komum til móts við þínar þarfir – hvort sem þú ert í slökunar, - verslunar- eða viðskiptaferð eða að njóta þess fjölmarga sem Reykjavík hefur upp á að bjóða.
 
Við hlökkum til að sjá þig!